鼎記 (已結業)

今晚收工嚟旺角做facial，经过「鼎记」食埋个晚饭先。餐厅装修简洁新颖、够光猛，环境干净企理，坐位又够阔落，食得好放心。见餐牌有唔同种类野食，好似中式小菜、烧味、车仔面、怀旧小食等...招牌菜系以烧味为主，见到啲烧鸭，烧肉，油鸡等等卖相都唔错。最终我叫左个叉烧乳鸽饭。乳鸽因为系落单先即烧嘅，整得外脆内软、皮薄又无乜油，肉汁仲保留住，好味道！另外叉烧个蜜汁都好食，味道甜甜地、肥瘦适中。今日嘅例汤系莲藕汤，真材实料，冇味精，几清甜。我最欣赏系呢度嘅侍应同啲食客有倾有讲，多左份人情味！