ChaTraMue Cafe

营业中

休息中

呢间餐厅开业都未有时间试吓，门口系开放式，好有泰国feel，环境感觉舒适。睇餐牌价钱中规中矩啦，用啲餐具都几靓。香叶肉碎炒饭香叶肉碎份量都好多，调味都好有层次，唔会好辣，但开胃，炒得好香口惹味，真系好食值得一赞！泰式牛丸汤河呢个牛汤底超甜, 揾佢个店长问问, 怪不得, 原来系自己店日日新鲜煲嘅, 汤冇味精口渴嘅感觉, 牛丸都好好食, 店长话牛丸都系泰国嚟嘅。 👍🏻虾多士而家唔多地方有虾多士食，好食嘅！ 虾肉够新鲜弹牙，块多士又炸到好香脆。泰茶疏乎厘pancake呢个真系有惊喜, 仲热辣辣, 可能因为系新鲜做，好好食, 味非常香浓，质感柔软，配上焦糖脆脆及少许泰茶粉，绝配、绝配！👍🏻👍🏻冻朱古力最后都要特别讲一讲佢哋嘅冻朱古力，系我人生中少饮过咁好饮嘅朱古力，香浓朱古力味，入口幼滑，非常高班。佢唔止泰茶好饮，其实冻朱古力都一样咁出色。