麺屋武蔵 (已結業)

一向对呢间面屋武藏印象都麻麻，因为以前食过觉得好一般尤其个沾汁面个汤水汪汪咁完全挂唔到面，但朋友话最近佢哋个沾汁面改良左好食过以前，今日咁啱嚟开东港城就试下啦，我点左个白沾汁面，大约等左10分钟左右面就嚟到，卖相ok正常，原来改良左嘅系沾汁汤，比以前杰同鲜味左好多，而面亦煮得啱啱好烟韧弹牙，叉烧同玉子都ok唔错嘅，而荀干有少少麻香同微暖应该系啱啱炒过，最后埋单时候同楼面同事讲话个沾汁面比以前好食，佢哋回覆话原来系日本师傅最近嚟香港改左煲汤方法同加多左材料，咁下次可以再嚟再试埋佢哋嘅汤面。