養珍品牛肉麵 (已結業)

因为朋友介绍就去咗北角呢间养珍品牛肉面! 呢晚系假期, 附近都几静, 入到去养珍品牛肉面, 冇乜人, 可能系新开冇几耐, 未有咁多人认识卦。养珍品老板介绍咗几个菜我哋食。秘制泡菜招牌牛肉面肉夹馍葱饼猪手秘制泡菜 -- 其实系一个几有惊喜嘅前菜, 系养珍品自家腌制, 唔似一般韩国泡菜, 系用椰菜腌制, 少少酸, 有点辣, 但都几开胃架。招牌牛肉面 -- 原来一碗大牛肉面要二佰几蚊, 细嘅 110 蚊; 未食前, 我真心觉得贵, 但食咗之后觉得, 又唔系太离谱, 事实上成旧水一碗嘅一兰拉面都大把人食, 其实我喺度叫个SET, 有两碗细牛肉牛肉面, 计返都唔系贵一兰好多啫; 而且养珍品招牌牛肉面, 店内有介绍个汤系冇落味精, 只系靠熬出嚟。而我哋今晚就连个汤都饮埋 ... 我哋仲叫咗肉夹馍、葱饼必食。我个人几钟意食葱饼, 里面好多葱, 食食下仲有少少汤汁流出嚟, 好味！肉夹馍系西安小食, 似中式汉堡包咁比起葱饼, 我认人有少少逊色, 但可以一试。虽然店内人少, 但都见到有人叫葱饼外卖, 因为系即整, 同人手制, 外卖要等15分钟。讲真, 我走时系有个冲动叫两个葱饼外卖做宵夜, 但老板话即食系