影片
更多
2024-02-23
33 浏览
有同事推介观塘嘅「Pentola」，既邻近地铁站位置方便，而且价钱亲民，值得一试。我同朋友拣咗晚市二人套餐$368 (另加一)，有齐2餐汤、2前菜、2主菜及2饮品，唔升级嘅话其实都抵食🙈 餐厅装潢几怀旧复古，我地叫咗一杯红酒同一杯白酒(+$48@)，边饮边品尝美食🥂餐汤系椰菜花忌廉汤，味道浓厚顺滑前菜- 白鳀鱼茄子蓉多士几特别嘅配搭，香脆嘅酸种多士配上原条白鳀鱼，加埋混合咗橄榄油、口感软绵嘅茄子蓉，味道微酸微辣几开胃- 意大利风干火腿拼盘有24个月巴马火腿、莎乐美肠及寇帕火腿，配上清甜嘅青提子，味道甜甜咸咸几开胃主菜- 迷迭香柠檬烤鸡(半只) +$80一上枱已经香气扑鼻，烤至金黄色，咬落外皮酥脆、肉嫩多汁，就连平时唔食鸡皮嘅我都忍唔住连埋鸡皮一齐食，配上沙律菜，清新减腻- 炭烧安格斯封门柳配烧汁薯条 +$90封门柳烧至肉色粉嫩、肉味浓郁，脂肪少但入口软腍嫩滑，配上新鲜炸起热辣辣嘅薯条及沙律菜，我地食到停唔到口甜品- 奶冻配百香果酱 +$38奶冻滑溜非常，奶香味十足，配上百香果酱，酸甜可口好滋味- Tiramisu +$38充满咖啡香，最底层有着香浓嘅咖啡酒味；忌廉芝士嘅绵滑与香浓微苦嘅
我同朋友拣咗晚市二人套餐$368 (另加一)，有齐2餐汤、2前菜、2主菜及2饮品，唔升级嘅话其实都抵食🙈 餐厅装潢几怀旧复古，我地叫咗一杯红酒同一杯白酒(+$48@)，边饮边品尝美食🥂
餐汤
系椰菜花忌廉汤，味道浓厚顺滑
前菜
- 白鳀鱼茄子蓉多士
几特别嘅配搭，香脆嘅酸种多士配上原条白鳀鱼，加埋混合咗橄榄油、口感软绵嘅茄子蓉，味道微酸微辣几开胃
- 意大利风干火腿拼盘
有24个月巴马火腿、莎乐美肠及寇帕火腿，配上清甜嘅青提子，味道甜甜咸咸几开胃
主菜
- 迷迭香柠檬烤鸡(半只) +$80
一上枱已经香气扑鼻，烤至金黄色，咬落外皮酥脆、肉嫩多汁，就连平时唔食鸡皮嘅我都忍唔住连埋鸡皮一齐食，配上沙律菜，清新减腻
- 炭烧安格斯封门柳配烧汁薯条 +$90
封门柳烧至肉色粉嫩、肉味浓郁，脂肪少但入口软腍嫩滑，配上新鲜炸起热辣辣嘅薯条及沙律菜，我地食到停唔到口
甜品
- 奶冻配百香果酱 +$38
奶冻滑溜非常，奶香味十足，配上百香果酱，酸甜可口好滋味
- Tiramisu +$38
充满咖啡香，最底层有着香浓嘅咖啡酒味；忌廉芝士嘅绵滑与香浓微苦嘅咖啡结合，整体口感creamy，味道甜而不腻
张贴
