No. 1 Kitchen (已易手)

去元朗试新野，餐厅的座位唔多，去之前睇过食评，食评推介无味精，龙虾汤,一于试试，同朋友各叫左2个set,朋友的忌廉汤普通，龙虾汤要再加钱，试左真系足料，有海鲜，一试难忘，仲有哈密瓜同ham的前菜，份量普通。之后上主菜，朋友的鹅肝拼猪仔骨意粉好香，猪仔骨好juicy有烧烤的味道，意粉有青酱同波菜味，可惜意粉分量唔够多，大食的朋友未必够，女士就刚好有多。另外叫左个露荀大虾珍宝菇x2还拼了薯角，味道的确唔错，但是同真正宝菇的距离仲差好远，相比之下肉类个餐比较吸引。最后点餐饮，有普通饮料同果汁，特饮、咖啡就要补差价。问一下侍应的推介，对方对答如流，待客至诚，之后选左冻黑朱古力同冻白朱古力，朱古力几香浓，杯面舖上四分一cream,黑朱古力仲有朱古力粉，朋友觉得白朱力好滑，但相比之下黑朱古力较有层次。是次两人光顾唔够300蚊有找免加一，以西餐而言味道唔错又无味精，值得推介。