影片
更多
2017-03-27
172 浏览
一直都甚少去旺角嘅cafe，尤其是呢栋大厦，但今日嚟开做野，又真系好想喺间cafe度坐吓，反覆search咗好耐，见啲相又好似几ok，决定一试，不过老实讲，唔会有任何期望。上到去，同啲相又真系差唔多㖞！环境宽敞企理，靠窗𠮶边有啲梳化，真系几舒适㖞！All day breakfast ($118)牛角包/合桃酥任选一辣肉肠/牛肉肠/猪肉肠/芝士肠/蜜糖肠任拣两款，第三款以上要+$12北海道特选3.6全牛乳炒蛋好嫩滑；烟肉超级肥瘦分明，不过肥嘅居多，我切咗少少瘦肉出嚟食就算了；白野菌及车厘茄水耕菜冇乜特别啦；牛角包系会即刻焗返热，所以我食到咁上吓先上菜，外层嘅酥皮好脆，但中间好软绵，牛油味香浓，好好味！我拣咗蜜糖肠及芝士肠，好大条，仲好香蜜糖及芝士味添！呢个all day breakfast看似好细，但其实食晒的话系好饱肚㖞！蜜糖鸡翼 ($34)用木盘上够晒精致，炸得均匀香脆，入面嘅鸡肉软嫩，再点啲蜜糖一齐食感觉冇咁热气。本身惊唔够食所以麻烦店员将份量减半，但好味都心谂早知叫原装份量啦！小红帽 ($49)呢度嘅饮品好特别，全部系用公主名呀、童话故事咁样嘅名。我叫嘅呢个系原个西柚打成嘅，饮落
All day breakfast ($118)牛角包/合桃酥任选一
辣肉肠/牛肉肠/猪肉肠/芝士肠/蜜糖肠任拣两款，第三款以上要+$12
北海道特选3.6全牛乳炒蛋好嫩滑；烟肉超级肥瘦分明，不过肥嘅居多，我切咗少少瘦肉出嚟食就算了；白野菌及车厘茄水耕菜冇乜特别啦；牛角包系会即刻焗返热，所以我食到咁上吓先上菜，外层嘅酥皮好脆，但中间好软绵，牛油味香浓，好好味！我拣咗蜜糖肠及芝士肠，好大条，仲好香蜜糖及芝士味添！呢个all day breakfast看似好细，但其实食晒的话系好饱肚㖞！
蜜糖鸡翼 ($34)用木盘上够晒精致，炸得均匀香脆，入面嘅鸡肉软嫩，再点啲蜜糖一齐食感觉冇咁热气。本身惊唔够食所以麻烦店员将份量减半，但好味都心谂早知叫原装份量啦！
小红帽 ($49)呢度嘅饮品好特别，全部系用公主名呀、童话故事咁样嘅名。我叫嘅呢个系原个西柚打成嘅，饮落去酸酸甜甜，啱啦中和返晒头先嘅腻，个样仲好靓添！
呢度的确令我有惊喜，冇谂过环境食物饮品都系中上。尤其是服务，虽然店员都比较年青，但待客态度绝对诚恳。唔知嚟旺角食乜野嘅朋友真系可以试吓！
张贴
