Uptop Bistro and Bar (已結業)

都有一段时间唔记得写食评了，最近开始又用返网上订座服务，朋友准备离开香港，专登谂住约佢一个靓嘅打卡地点（高层望风景）食餐靓靓下午茶，上网睇咗好耐，结果就拣咗呢间餐厅，咁啱呢个app同佢做紧预先买下午茶coupon优惠套餐，就顺便买埋了。餐厅收到Booking之后好快已经打电话同我confirm，有礼貌亦都详尽解释，都觉得几满意！到今日去到，虽然lobby同上䢂嘅感觉到麻麻（纯粹酒店格局感觉），但系坐低咗喺餐厅后，侍应详尽嘅解说，同埋细心嘅跟进我哋饮咩，当嘢食送到埋嚟嘅时候主动问我哋影唔影相，咁啱因为我朋友生日，我预先喺电话安排咗生日甜品。当侍应送埋嚟嘅时候，个生日甜品好靓🦋，而餐厅经理都走埋嚟同我朋友讲生日快乐！真系好宾至如归嘅感觉！到下午茶set送上，我哋每一件小食都觉得好好味，马卡龙不太甜，朱古力好浓，所有热食嚟到啱啱好+好味所以当入咗餐厅之后嘅用餐，口感系非常好临走前经理仲同我哋讲，下次可以选址室外（因为我哋啱啱打完风之后𠮶日上去）风景更靓，所以今次嘅用餐系有惊喜嘅！期待下次试埋另一set下午茶