Delite Long Ping Bistro (已結業)

本身同妈咪谂住去附近另外一间餐厅食嘅！但去到见午餐Menu剩系得意粉同意大利饭，午餐时段又唔可以散叫，唯有下次去试晚餐啦！行过嘅时候见到呢间望见餐牌唔错，所以最终𨍭咗嚟呢度！店名「朗屏」，食完之后上网查揾唔到依间店，后尾再喺其他途径先见到原来要用英文先search到，所以最好上面加返中文名，价钱唔算太贵，食物质素有惊喜，我哋拣咗汤，今日系杂菜汤，主食叫咗蕃茄奶油海鲜阔面条同芝士蕃茄焗鸡胸，汤味道唔错，唔会话好淡，阔面条味道都好食，但海鲜就略嫌少咗啲，最惊喜就系个鸡胸，里面啲肉仲系好滑，味道非常之好（之前写过食评虹坊𠮶间「彩虹🌈」店，𠮶次个鸡胸完全冇味，难食到不得了，价钱大家差唔多。）薯条亦炸得好脆，全部食晒！嘢饮我加咗$10要咗个手摇芒果茶，唔淡但我觉得似百香果味，最尾仲有甜品云呢拿雪糕，份量阔面条正常，鸡胸就细咗少少，服务正常，外国人男侍应比较有礼貌，临走仲帮我哋开门同Bye Bye，算系咁。