糖朝 (已結業)

好耐无同过爸B出去撑抬脚喇，爸B话好耐无一盅两件喔，咁就霖住带佢去试下新口味喇，糖朝未去过，我都顺便去试下新嘢喇。糖朝系扶手电梯下地下一层，地方虽然大，但光线比较暗，通风麻麻，感觉有D焗。点咗几样平时钟意食既点心，虾饺卖相唔错，皮够薄，虾大大只，虾肉新鲜有口感，我同爸B每人食两件仲未够喉，仲叫多咗一笼。蟹子烧卖，普普通通，无咩特别。话说哩道系用纯牛肉整的，确实真材实料，但系全部都只系用咗牛肉，食起身口感都唔系好好··无俾到新鲜感我哋，有点儿失望。呢个肠粉最失望了，皮好厚无口感，馅料少，卖相更加唔使讲啦，睇到胃口都减半喇。满怀希望咁想带爸B食D好嘢，除左个虾饺值得叫多一碟，其他既真系好普通，而且哩道消费都较高，人均都$100,确实唔抵食。