新蔡潤記魚旦粉麵 (已結業)

话说食开最近，同佢𠮶名少一个字𠮶间，点知去到食开𠮶间无开㖞，就试下啦。真系麻麻地㖞，我哋叫咗鱼蛋河，汤底有啲清，都可以嘅😆感觉上健康嘅，河粉呢唔够烟韧，面嘅口感好一般，texture 唔喺食开𠮶间嘅水平⋯⋯鱼蛋岀事啦，唔弹牙，手打鱼蛋㖞，唔得🙃真系唔系𠮶回事bor😕有无味，要配辣椒油🌶️先食到，另一样唔掂就系鱼片，无味嘅，成块白色嘅，无炸边，好唔掂㖞，金黄色嘅边无嘅⋯⋯怪怪的🤨，最后想再讲埋𠮶个炸鱼皮，好硬，太难咬，要浸汤几分钟先可以咬到，我以为系好脆薄嘅，都唔系卜卜脆啊😩好后悔叫咗啰，浪费咗大半碟，真系唔好食⋯⋯如早点知鱼蛋，鱼片都如此伏，一定唔会叫剩蛋片啰，唔好食㗎，可一不可再，伏一次够啦，不了！失望嘅一餐午餐，又唔系平。