巴希雅海灣重慶燒烤 (已結業)

之前一直想試巴希雅，但自從知道大埔要開多間分店就想同班朋友去試。因為依間室內有冷氣，又有雞煲食感覺好d。一行五人，叫左個雞煲先，再嗌串燒，講真，好似之前d comment咁，真係得個咸字，我諗普通串燒仲好食過佢，同埋感覺唔到重慶既辣  個雞煲只屬ok, 無乜汁架係，所以我地都無將佢繼續當邊爐咁打。野飲只包一罐，再加11蚊罐！d野咁咸一罐點夠呀？分明逼你叫多幾罐！大家都話下次唔會再黎，就算試都試大尾篤果間！