老街 (已搬遷) 新店位置

星期六约左朋友系新宝戏院睇戏所以谂住系附近食lunch 咁岩见到对面有间台湾野好多人排队就去左试啦！呢间叫老街既台式理料装修好有特色，好靓好有怀旧feel,岩哂打卡啊！我地两个女仔叫左一个鸡扒便当，红烧牛肉面同埋炸豆腐拼盐酥鸡！饮品方面我就点左香浓朱古力，加3蚊就有得加埋珍珠！而朋友就点左水蜜桃茶！首推红烧牛肉面！牛肉煮得够哂软身好好食，汤底浓郁好入味！不过面个质地唔似平时既台式粗面，系比较幼身，有少少似拉面。而鸡扒便当份量好足，好抵食。大大块照烧鸡扒加卤肉饭，仲有半只卤水蛋嫁！鸡扒肉质嫩滑，个皮脆卜卜几好食！而卤肉饭上面既猪肉略嫌太瘦，唔够油香！另外仲有店员推介既炸豆腐拼盐酥鸡！两旧大大旧既豆腐砖，炸到外脆肉软，配埋酸甜酱加青瓜丝真系好正！盐酥鸡就够哂香口，要趁热食啊，鸡辣辣食先正两杯饮品不过不失，无咩特别！总括黎讲，味道ok，最重要系野食大份抵食，两个人食都系百几蚊，食到超饱！值得一试！