影片
更多
2024-09-22
731 浏览
想讲食到高质素嘅Omakase真系好开心，估唔到元朗一条三行林立嘅街道内有一间隐世日本料理果然水准令我好有惊喜，真系不枉我咁远水路入到嚟元朗食👍🏻佢哋能够屹立不倒11年至今都真系不无道理，可谓元朗Omakase界嘅元袓黎到餐厅密封式既门口已经觉得好有神秘感，推开木趟门内简洁日系木风格尽在眼前，虽然店子细细座位唔多，大约可容纳12人，但空间感几大，座位宽敞，所以坐得好舒服🥰我哋选择咗Omakase Lunch menu $880一位15品配有茶碗蒸、味噌汤、甜品🌀水云醋水云是海藻，口感黏滑，配上餐厅自家调制嘅酸汁，再加上七色芝麻，酸酸地好开胃口😋做前菜最适合不过🌀茶碗蒸呢个茶碗蒸好合我胃口😆滑滑溜既蛋上有我最爱嘅黑松露好match吖！令到每一啖都系滋味❤️🌀渍物🌿酱油渍牛蒡🌿味噌蒜头🌿酸姜片我特别喜欢味噌蒜头，用味噌腌制过嘅蒜头真系好好食，而且少咗辛辣味，恰到好处👍🏻🌀兵库县蚝虽然唔算好大只，但都几饱满，个特制柚子啫喱汁配呢个生蚝真系冇得输🤩将生蚝既鲜甜直接升级，唔会盖过蚝本身既鲜味🌀北海道帆立贝师傅响帆立贝面加上岩盐同柚子皮，食落真系好清新，柚子皮既清香好特出到帆立贝鲜甜嘅味道🌀秋刀鱼9
果然水准令我好有惊喜，真系不枉我咁远水路入到嚟元朗食👍🏻佢哋能够屹立不倒11年至今都真系不无道理，可谓元朗Omakase界嘅元袓
黎到餐厅密封式既门口已经觉得好有神秘感，推开木趟门内简洁日系木风格尽在眼前，虽然店子细细座位唔多，大约可容纳12人，但空间感几大，座位宽敞，所以坐得好舒服🥰
我哋选择咗Omakase Lunch menu $880一位15品配有茶碗蒸、味噌汤、甜品
🌀水云醋
水云是海藻，口感黏滑，配上餐厅自家调制嘅酸汁，再加上七色芝麻，酸酸地好开胃口😋做前菜最适合不过
🌀茶碗蒸
呢个茶碗蒸好合我胃口😆滑滑溜既蛋上有我最爱嘅黑松露好match吖！令到每一啖都系滋味❤️
🌀渍物
🌿酱油渍牛蒡🌿味噌蒜头🌿酸姜片
我特别喜欢味噌蒜头，用味噌腌制过嘅蒜头真系好好食，而且少咗辛辣味，恰到好处👍🏻
🌀兵库县蚝
虽然唔算好大只，但都几饱满，个特制柚子啫喱汁配呢个生蚝真系冇得输🤩将生蚝既鲜甜直接升级，唔会盖过蚝本身既鲜味
🌀北海道帆立贝师傅响帆立贝面加上岩盐同柚子皮，食落真系好清新，柚子皮既清香好特出到帆立贝鲜甜嘅味道
🌀秋刀鱼
9-10月为秋刀鱼当做既月份，当然要食啦😋
赤醋饭间藏有自家制的姜葱蓉，香气四溢🥰同鱼味好重既秋刀鱼极为夹
🌀金目鲷
呢个系属于比较高价既鱼，肉质真系好鲜甜😍皮鱼好爽口，配上咗酱油渍，更加带出到鱼嘅鲜味
🌀中拖罗
鱼油脂比较甘香，好喜欢呢个部位无咩筋，口感丰富😋
🌀北海道鳕鱼肉质柔软，渗出淡淡鱼油香，我尤其喜欢鱼皮既部位，好香好好食呀😋
🌀鲣鱼
有腌过既鲣鱼味道微酸再配上七色芝麻，钟意佢鱼味好浓
🌀三文鱼籽
晶莹剔透，大大粒经酱油腌渍既三文鱼籽，更能带出其鲜味，入口爆开鱼油渗出点点鲜香🥰
🌀𩽾鱼肝
呢个真系不得了，鱼肝用汁煮做法后口感非常之软滑，简直好似食紧鹅肝一样咁细滑丰腴😮有入口即化感，鱼肝上橙色部份系脂肪，食落油香四溢，油脂感极丰富😍呢个真系做得好出色👍🏻回味无穷
🌀鳕鱼白子其实我系第一次食鱼嘅精囊，即鱼精子，好肥美吖🤩奶油滑嘅口感好特别，味道几浓烈，柔滑乳状得黎赵落又好有咬口，配上酸汁和椒丝食又几match既组合㖞🥰绝对令我有味觉上嘅冲击😆
🌀马粪海胆
鲜甜道较高，我一向好喜欢它味道浓厚鲜甜😋
🌀赤身
用酱油浸过嘅拖罗背部，更加特出其味道，油脂较少有咬口
🌀脑天
呢个严重地惊喜，非常之好食😍非常珍贵嘅部位，数量稀少，脑天系吞拿鱼嘅天灵盖，即系鱼头头顶嘅肉，一条吞拿鱼只有两块肉，鱼脂香非常浓，入口真系好软滑而且无筋
🌀紫海胆
其实即系受了精既白海胆，色泽偏浅黄，回甘味亦重，食到海水味较浓
🌀甜虾锅巴呢个都系我最钟意之一❤️师傅将甜虾略为拍扁令到有虾胶感觉，甜虾面头更加配上自家制鲜虾膏酱，味道令我惊喜，虾膏酱虾味非常之浓郁精华，鲜虾香味满泻🤩好甘甜，再配搭埋底部脆卜卜既寿司饭锅巴同吃，真系极度滋味呀，我大爱🤗
🌀味噌汁 / 甜品最后有面豉汤，同柚子雪葩做个完美ending
个雪葩几好食😋食到有粒粒清香嘅柚子皮，而且上面加银箔做装饰（平时多数见系金箔）几特别，靓靓❤️
张贴
