皇室冰廳

营业中

休息中

大概6:30嘅时候，呢间冰厅已经坐满人，老板娘亲切嘅态度令我好似返咗屋企咁 因为每个客人一坐低即刻有碗热辣辣嘅爱心靓汤！今日系青红萝卜猪骨汤，饮完够晒平和滋润呀，佢哋仲标榜呢度嘅靓汤绝无味精添加。鱼柳鲜茄意粉有两大块鱼柳咁多。块鱼柳真系好大块，大块到好似鱼扒咁！鱼柳腍身。意粉软硬适中，口感弹牙。茄酱混入切碎嘅洋葱，特别香。除左鱼柳，重有切成薄片嘅蘑菇同切成粒嘅红萝卜。茄酱同意粉嘅份量互相配合，啱啱好，食得好滋味呀！另外饮品方面可以加$8转一啲特饮，例如朱古力同埋椰汁凉粉冰，如果夏天食到成身汗，呢款凉透心嘅饮品就最好不过啦。