田浦食肉

营业中

休息中

如果你想食韩式烧肉，但又怕啲油烟弹到块面，就可以嚟试吓呢间韩式烧肉餐厅。佢嘅卖点就系服务员都系韩国oppa，而且仲会亲自帮你烧肉，帮你切好一嚿嚿放到你只碟上面。今次嚟呢间餐厅食饭，系专程想食佢嘅鸡蛋羹，一个用韩式石锅装住嘅「炸蛋」，入面有少量海鲜作为配料，你可以当佢系韩国版嘅茶碗蒸或者系蒸水蛋。鸡蛋味非常香，而且食落好有层次。今次两个人嚟食，就点咗一个牛T骨加牛五花嘅套餐。虽然价钱都唔平，但系牛嘅份量已两个人嚟讲都算几多，而且韩式配菜提供嘅种类好多，除咗有基本嘅芽菜泡菜之外，仲有韩式辣炒年糕鱼饼，而且仲系无限量供应。净系食配菜都足以食饱你！