土生花 (已結業)

朋友仔聚会，行完街就开始觅食，沿途逐层行下行下，就上到7楼呢，见到呢间土生花，食装修都唔错㖞！时令芦笋配韩式酱油溏心蛋，蔬菜好新鲜，不会过份调味，食到蔬菜原本嘅味道，溏心蛋用酱油烹调，所以会浓味一点。韩式秘制牛肋骨，牛肋骨虽然大件但都煮得好腍身，秘制酱个味带好轻微嘅甘甜同人参味，薯仔系有炸过先再放落去炆，上面仲有芝士同松子，所以食落好香。秘制人参乳鸽汤，平时饮开都系鸡汤，呢度有乳鸽汤，梗系试下新野，饮落同鸡汤不太大分别，但鸽香多少少，成个汤饮完暖笠笠，个鸽肉仲可以食埋。韩式粉丝杂菜腐皮福袋，个福袋包得好实净，而且腐皮好索汁，里面有韩国粉丝、芫荽，咬落好juicy泡菜炒饭，炒饭唔错，粒粒分明，上面仲有海量紫菜。个泡菜腌得好好，唔太酸带微辣，配埋大酱汤，个大酱汤仲有菜架。