濃記車仔麵

营业中

休息中

朋友推介用心制造嘅车仔面~浓记，真系咁好味？ 等我试下先。车仔面嘅𩠌选择多，想食嘅太多，但个胃就得咁小，咁今次脆脆地叫5个𩠌先啦，米线，菜，萝卜，酸斋，猪红，猪手，盛惠45蚊。萝卜超甜无渣，酸斋够味唔会一味酸，猪手炆得好冧入味，猪红好够味出面食唔到呢种童年嘅味道。大大碗，大胃王都够食。再特别赞下汤底，真材实料，不含味精，食咗完全唔会口干仲有浓记嘅阿姐们都好亲切有礼貌，舖头系新装修，好干净企理，店员仲就不时同人客倾计，应该系帮衬开嘅熟客，食嘢之余，多了一份人情味，唔系度度揾到㗎。