食德福海鮮私房菜

营业中

休息中

朋友生日话要再黎食，今次同埋小朋友一齐食，我地有7个人，叫左好多个𩠌食。～先黎个自家制金汤豆腐，外脆内软，一碟有8件有两款錎，一款系豆腐，另一款系玉子豆腐，底层系南瓜汁，我通常都会淋汁一齐食，好有口感又脆又软，面层的紫菜又好食。～煎蚝饼，煎到很金黄色，圆形饼，面层似蜂巢入口很松化，唔同平时食潮州菜的蚝饼，可以一试啊…～灼虾，必叫，虾又大只，份量又多，呢个价钱，其他地方食唔到，真系好低食。～蒜蓉粉丝蒸圣子，个圣子都大只，煮的时间刚好，唔会过熟，好入味。～蒜子骨，刚到已闻到很香的味道，入口有些辣，我用纸巾印干面𠮶层辣味，我唔系太食到辣，但朋友话唔算辣，但都系𠮶人口味啦…值得推介。～脆炸金沙虾球伴沙律，必叫，面𠮶层咸蛋黄浆很脆好入味，内层的虾都很大只，十分推介啊…～最后叫左个白菜仔同豉油皇炒面，个炒面，一定要食，炒得好好食，但要等好耐，次次叫都要等差不多半小时，下次一定要落头轮单，即刻叫定炒面先。