吟彩 (已結業)

最近约朋友系湾仔想食个好d的lunch，佢就话去吟彩，上网见佢地价钱适中，亦有几多午餐款式选择。朋友book了位，唔港等，坐甜品柜对面张枱，望倒d甜品都几别致。餐牌有讲每个餐有咩食，好似有蒸蛋、关东煮、刺身、主菜、饭等。每个菜名都好吸引，好想试，最后我同朋友就拣牛烧肉饭同葱拖罗鱼蓉三文鱼子饭两款一齐食。牛烧肉饭成个饭面都系牛肉，好足料！铺满的牛肉切成件状，比一般其他餐厅食到的片状质感更充实，口感一流。面头加白芝麻好香，另外饭入面加的汁，微微甜味令牛肉食落冇咁油，厨师调个汁真系唔错呀！最后我成碗都食晒！而我朋友夏天唔中意食热野，就叫了葱拖罗鱼蓉三文鱼子饭，颜色鲜艳的大大碗饭一上枱令人心情都更好几开心。拖罗鱼蓉同三文鱼子好新鲜，成个set加埋其他5、6样沙律、关东煮、面豉汤等，价钱真系抵，加90蚊可以追加日本海胆，的确海胆真系令人抗拒唔倒，大大啖海胆放入口，味道浓郁又鲜甜，太满足啦！仲有天妇罗餐、鳗鱼饭同埋西京烧都好吸引，如果多几个朋友一齐黎就可以试多d款式，可惜今次得两个人！另外坐得都舒服又唔会限住食几耐，味就都几好，对佢地印象都唔错，会再光顾！