Season Plus (已結業)

今日同朋友聚会，提议黎这间Season Plus，入到餐厅感觉好舒服，好阔落，仲带有一些浪漫情调。餐牌上既食物种类都好多，价钱合理。我们选择了最强人气number 1，生蚝12只连意大利白酒一枝。生蚝好新鲜又肥美，拎到上枱见到条边仲郁郁下，味道鲜甜，海水味适中，配埋白酒系一流既享受！之后当然有order埋最强人气number 2啦！慢煮美国安格斯牛柳12oz，厚切既牛柳煮到5成熟，每一啖咬落去都系肉汁，牛味唔算浓但肉够嫩。配埋旁边萍果一齐食，既清甜味又能够带出牛柳味道。萍果系烧过既，减少左酸味。小食系芝士黑松露焗大蘑菇，焗蘑菇色泽好吸引呀，切开已经好多汁流出黎，食落口超级juicy呀。仲有面头既黑松露好香，呢个小食真系无得弹！