Bistro Du Vin (已搬遷) 新店位置

Item: Bistro Du Vin
Rating: 3
Author: 可爱加菲猫

169 食记

味道

环境

服务

卫生

抵食

21400

西环

$201-400

法国菜

120

可爱加菲猫

等级3

好朋友和家人有一次去食完呢间法国餐馆，认为好好食，于是上年系我生日时，打算请我去呢间餐厅食，点知佢冇订位，去到门口时，侍应话已满座，如果冇订位的话就冇办法，当时我企在门口睇入去，满堂红，心想唔通呢间餐厅真系咁好食，当时唯有系附近求其揾一间餐厅去庆祝我既生日啰！今年，好朋友死心不息，又话要系我生日时，请我食呢间法国菜，于是提前4日订位，心谂呢次冇死啦！终于可以尝试到呢间野既食物了，所以觉得好兴奋，好期待呢日既来临。本来我系openrice已经做足功课，已计划好当晚食乜野，点知其中一道牛脸颊，朋友话佢呢个月唔食得牛，要改食第二道肉类，唉…我当堂沮丧了！但都决定要去食。【免费面包】我当晚食了6样食物，呢个面包系我认为系唯一……第二道好食既食物，面包好柔韧，好有口，我还请求服务员多为我添一块，服务员非常乐意，我感到好欣慰。【Onion Soup】洋葱汤，系我在openrice相片中，睇到相已经认定左佢既味道一定系好好食，90元一个确实系几贵，仲贵过其他餐馆既龙虾汤，但我可以话比大家知，当你试过后，觉得呢90蚊系值得比既，因为真真真系好好饮，浓浓既洋葱汤，里面仲有一块大约厚0.5cm圆形既芝士

【免费面包】我当晚食了6样食物，呢个面包系我认为系唯一……第二道好食既食物，面包好柔韧，好有口，我还请求服务员多为我添一块，服务员非常乐意，我感到好欣慰。

【Onion Soup】洋葱汤，系我在openrice相片中，睇到相已经认定左佢既味道一定系好好食，90元一个确实系几贵，仲贵过其他餐馆既龙虾汤，但我可以话比大家知，当你试过后，觉得呢90蚊系值得比既，因为真真真系好好饮，浓浓既洋葱汤，里面仲有一块大约厚0.5cm圆形既芝士块，十分有口感，仲有一块圆形既面包浸系汤入面，面包吸了汤既味道，呢个汤太多惊喜太丰富，其实饮完一碗汤我已经饱了4成。

Egg（brandade & hollandaise）

【Egg（brandade）】呢个头盘，我见个样都几吸引，于是都系菜单之一，但我尝试过后，只可以话……过得去啦！流心蛋……冇乜特别，下面系鳕鱼肉，不过唔腥，味道一般，冇乜形容词去形容佢，底部系一块薄多士，整体一般般，建议可以选择其他较心仪既菜式，不必浪费呢100蚊。

【Duck Rillette】鸭肉酱、自家制猪肉肉酱，呢道系一味冷盘，唔知系咪自己食唔惯冻肉拼盘呢？我觉得又唔香浓又觉得腻，已经用面包醮来食，但仍然唔觉得好食，完全感受唔到其他食评赞口不绝既味道既？？？

230蚊我觉得浪费得好紧要，太腻关系，朋友都冇乜食，我好有后悔叫左道菜，因为冇人欣赏。

【Coq du Vin】砵酒煮鸡，朋友唔食得牛，又唔钟意食羊，岩岩食完鸭肉冷盘因此唔再食鸭，所以由佢发板叫左呢碟鸡，亦都系佢上次话好食既菜式之一，配送上薯蓉，可以捞埋汁来食，首先讲下件鸡，大约系2件小型鸡脾既份量，肉质我唔觉得滑，在我角度黎讲，可以话有少少鞋，砵酒味道揾唔到，可能挥发晒啦！汤汁淡而冇味，但我朋友居然上次食完，呢次推荐我食呢道菜，我好唔比面，只系食左四分之一碟，薯蓉就勉强捞汁食左三分之一碟，我有叫过朋友不如将碟鸡打包回家比佢屋企人食唔好浪费，但收尾朋友还是一个人食晒佢，食完佢话太济，所以唔再同我一齐食甜品，于是我唯有自己食。建议大家唔好选择……鸡呢个主菜，冇惊喜只有失望失钱。

【Green Tea Fondant】绿茶流心蛋糕配雪糕，原来打算食Banana Crumble，点知服务员话已经冇做呢个甜品，又再失望多一次，睇住个甜品餐牌，都简唔落手食乜野甜品，服务员见我苦恼之间就建议我食贝壳蛋糕，我都见到食评赞美，我想食，但一个人食唔晒一碟，朋友又话太饱唔陪我一齐食甜品，我唯有食呢个简冇可简既绿茶流心蛋糕，其实我系一个唔会特别钟意食绿茶味既人，但因为朱古力流心经常食，所以就想试下绿茶啰！甜品好迷你，份量少，绿茶味都几浓，但我觉得冇惊喜唔觉得好食，所以最后连甜品都令我失望。

总结，当晚食了6样食物，只有2道菜系令我比like，第一样，免费面包，唔洗钱仲好食过要比钱既，哀哉！第二样，洋葱汤，当我日后谂起洋葱汤时，我就会好自然谂起呢间餐厅，因为系佢既代表作，就等于当我谂起龙虾汤时，就会自然谂起湾仔介绍过的一间意大利餐厅，令人回味

。其他食物，我只会比个

。

2个人食左$952，但我觉得自己食左$300价值。