Pancake House HoiHoi (Megabox) (已結業)

本人钟意食日本pancake，于是开业冇耐就黎试。黎到都要等位，叫到57号，而我地张飞系67号（2人）。一开始都好有耐心咁等，但越等越唔对路，原来餐厅唔系依照先到先入座嘅方法，而系按人数，即系佢有张4人枱，如果你有4人，即使你嘅号码后过我，都会系你入座先。于是啲飞叫到80几甚至90几号（3人至8人）都未轮到我🥺，就算有4人枱，佢都唔会叫2个2人入座，其间有尝试同店员沟通，但佢冇听我讲嘢😐继续做自己嘢……终于到我地，正常都系先上餐后上pancake。隔离枱一对couple叫pancake时服务员话要等40分钟左右，以为食完主食就啱啱好啦。点知未够5分钟就上咗pancake🤡（是真的，我地同时间入座，我地连餐都未order隔离枱就上咗pancake！），说好的40分钟呢……于是我同男朋友点餐后特别讲明pancake后上，点知服务员话佢都控制唔到，厨房出咗佢就上😓啲嘢食其实就唔差嘅，不过啲服务好一般，唔知之后叫位制度有冇改善啦，不过短期内都唔会再食佢。