影片
更多
2015-11-11
3254 浏览
好耐之前在JENNY还未发围得太辉煌时, 都有买她的饼, 当时实在是少有这种超重牛油香又包装精美的本土食物, 自食又送礼实在很好. 后来因为大陆人排大队来买, 我LUNCH去买又唔够时间排, 放工赶落去又卖晒, 几次都买唔到, 后来都无再尝试买了.前两日有朋友想买三盒送礼, 见我在附近返工就托我帮手买, 我一早就听闻有限买, 就保险D拉多个朋友一齐去.LUNCH 时间12点去到, 人唔算多, 见到有限买-->一人两盒, 心谂好彩拉多个朋友来, 我仲可以买一盒大咖啡味比自己食添 (打著如意算盘~)排到埋去, 见到有3个亚婶企响度, 一个监工, 一个执货, 一个收钱. 以下就系对答:我: 唔该我想要3盒 4 mix 同一盒大咖啡味亚婶:今日得4 MIX同8 MIX, 牌上所有既野都冇得卖我: 咁请问几时会有货？ 亚婶(好寸咁话): 唔知呀, 咁你而家买唔买呀？因为我系帮朋友买, 佢几唔好态度我都系要买啦.在我正打算比钱时, 唔知边个亚婶突然大叫:你今朝咪黎过啰 !!!我即时答: 我冇黎过, 我今日第一次黎咋㖞!亚婶:你黎过, 你头先黎过!我再答: 我冇黎过!亚婶:你有!我朋友企响
前两日有朋友想买三盒送礼, 见我在附近返工就托我帮手买, 我一早就听闻有限买, 就保险D拉多个朋友一齐去.
LUNCH 时间12点去到, 人唔算多, 见到有限买-->一人两盒, 心谂好彩拉多个朋友来, 我仲可以买一盒大咖啡味比自己食添 (打著如意算盘~)
排到埋去, 见到有3个亚婶企响度, 一个监工, 一个执货, 一个收钱. 以下就系对答:
我: 唔该我想要3盒 4 mix 同一盒大咖啡味
亚婶:今日得4 MIX同8 MIX, 牌上所有既野都冇得卖
我: 咁请问几时会有货？
亚婶(好寸咁话): 唔知呀, 咁你而家买唔买呀？
因为我系帮朋友买, 佢几唔好态度我都系要买啦.
在我正打算比钱时, 唔知边个亚婶突然大叫:
你今朝咪黎过啰 !!!
我即时答: 我冇黎过, 我今日第一次黎咋㖞!
亚婶:你黎过, 你头先黎过!
我再答: 我冇黎过!
亚婶:你有!
我朋友企响我后面, 听到呢D低能既对答, 就帮口了(正常语气再带点无奈):
"今朝大家都要返工, 点黎ar咪玩啦..."
个亚婶即时发烂: 你咁无礼貌, 我唔卖比你, 你走! (一手指出街外, 好似咩呢, 似亚妈赶个仔出家门果种)
我朋友: 咁不如睇下CCTV, 睇下我地今日有冇黎过!
个亚婶大嗌: 睇咩呀, 唔卖, 唔卖比你, 唔好卖比佢! (最后句佢同收钱果个亚婶讲, 因为我地已经交收紧钱同饼了)
佢大声到后面条人龙都听到, 静晒...
其实我都好火, 前面个大陆人企到埋去先谂买乜又呢又路搅左好耐都冇见佢地发恶, 我地好声好气, 埋到柜位就买快手快脚钱都预备好, 你就咁既态度, 系咪因为讲广东话你就觉得好恰?!!!!
如果呢个亚婶就系jenny, 我只可以话jenny你咁既态度, 唔怪得香港人要杯葛你,
如果呢个亚婶系员工, 咁亚jenny不如你请少个当赢.
以前我以为最恶死既员工在澳牛, 今日先知澳牛输足九条街.
就系因为我帮朋友买, 我怕佢真系唔卖比我, 所以我乜都冇讲, 望都冇望, 比左211蚊(有1蚊系胶袋钱), 一手拎饼另一手拉住个朋友就走.
但系我以后都唔会再买, 亦都会叫朋友唔好去买, 唔想大家比钱乞人卖野比你, 仲要比人指住闹.
张贴