甜源居

营业中

休息中

Boxing day同朋友行完山，吃完车仔面，时间尚早，想食过甜品至回程就入去呢间店试试，当时只有两枱客共4人，我同朋友就拣最入嘅长枱坐下(近水吧)，隔一阵待应就话有人留咗枱，跟手摆’留座牌’喺枱，我哋惟有坐另一张长枱。当我想落order, 但叫咗声’唔该’, 两个waitress挂住倾计听唔到，ok算啦，隔一阵再大声叫两次’唔该’, 都系唔应，真系有啲火，我再放尽喉咙大大声叫’唔该’, 隔离枱男女都望一望我，其中一个waitress至如梦初醒行埋嚟落单。我同朋友都拣咗芒果布甸，但同menu相片不符合，布甸面没有如相中有几片芒果，布甸味道方面无乜芒果味，质感较实唔够滑，可能落多咗鱼胶粉，$33一客唔平，我自己整仲好味过佢。埋单时已走剩我同朋友，无新客到，唔明点解我哋入座时截住话有人留咗位，被截住嘅感觉几uncomfortable, 呢间真系无下次，价钱唔平，味道一般，服务态度又非常赶客，goodbye your tail。