薩莉亞意式餐廳 (新都城大廈) (已結業)

久唔久都會食薩利，同朋友喺北角逛街，又諗唔到食乜好，於是就去咗呢間食，入到去坐咗卡位，上手食完嘅碗碟仍然無人收，按左好耐鐘都冇人理，之後有個黑口黑面嘅女侍應經過，就叫佢幫我地執枱，之後佢好冇禮貌咁點左我哋去坐其他枱坐⋯⋯都算⋯⋯之後點餐，咁左好多次鐘都冇人理我地，當時其實冇乜客的，最後幾經艱辛先有人埋黎落單，食物到咗，但係冇餐具，再按鐘問人攞，又係冇人理⋯⋯最後要自己起身走去其他枱攞餐具⋯⋯呢間真係我暫時食過咁多間最恐怖嘅一間