Outback Steakhouse (MOKO新世紀廣場)

营业中

休息中

最近開始食keto呢個新餐單。keto食嘢主要少糖少澱粉，高纖維高蛋白質為主。加上疫情期間得返商場入邊好多餐廳都冇開，唯有食呢間。佢哋而家做緊個set lunch, 有湯有飲品，加錢又有沙拉。佢哋有公司沙律同凱撒沙律揀。我問過店員呢兩個沙律有咩分別，佢都好細心咁答我。最後我同佢講我揀凱撒沙律不過走麵包糠同走醬。主菜嘅伴碟都要變晒做菜。作為食客，都唔希望令喺度番工嘅人難做。佢咁有耐性同配合我真係要俾5個good! 我叫咗個豬排。講真個豬排係有少少咸咗啲（可能同我個人口味食得清淡都有關係），但係口感肉質都好好，以百幾蚊一個set lunch嚟講，都唔算唔抵。我講真食物質素就非常老正，冇話特別好亦都冇話特別衰，啲菜夠新鮮，係豬扒鹹咗少少，不過都仲keep到炭燒嘅味道，算係不過不失嘅一餐。