翡翠拉麵小籠包

营业中

休息中

今日同老人家一行4人去食午餐。柯打咗個4人餐。食物質素麻麻，賣相欠佳，最緊要服務態度敷衍了事。獅子頭唔好食，過量用粉豆腐好少。酸辣湯好似漿糊，賽螃蟹紅獅子頭嘅賣相令人食欲不振。雞絲粉皮不過不失。除咗小籠包仍然保持水準，其他不值一提。餐後有湯丸作甜品但奇怪地只上了兩碗，因此向一位年輕嘅男侍應生查詢，佢好求其地回應：「係呀只得4粒！」明顯地佢只係敷衍回答。其實，如果佢好聲好氣解釋係可以接受，畢竟大家都已經食飽亦無需浪費，但如此服務水平出自一家自詡米庭蓮一星嘅食肆係令人失望。