澳門丸記清湯腩王 (已搬遷) 新店位置

同朋友系附近落左堂，见呢间好似几多人食，点知中伏左小伏。一开始落单果时侍应连有咩饮都唔知，可能新黎唔紧要啦。见枱面都几整洁。沙姜鸡王饭，有个鸡汤跟翻，上枱果阵成碗汤可能太满，浅晒落条裤到，又无人跟翻，呢点真系过份。个汤有少少油，不过都几香鸡味。个饭上面，鸡的份量都算正常，肉都几嫩滑，不过骨的比例真系较多，所以要经常吐骨，食得有少少麻烦，同埋沙姜味得面头的皮有，所以肉有少少淡。而饭的份量女仔食会岩岩好，男仔可能唔系好够，要加碟菜。呢堂的上菜速度系几快，不过态度同份量真系要改善一下，会比较好。