意粉屋 (已結業)

意粉屋D服务听闻好正，甘日有幸同妈妈出去“撑台脚”。可能因为岩岩晚市无几耐，唔洗五分钟就可以入左。一入到去个feel好正，好似好高雅甘。D环境，装潢都令人觉得好舒服~坐低之后侍应行埋问要热水定冻水，随即便递上餐牌。餐汤叫左个什菜汤同龙虾汤，个什菜汤除左有小小辣整体都觉得ok。而主餐我叫左个芝士焗卡邦尼意粉，而妈咪就叫左个焗什菜阔面。因为都ok肚饿所以叫多左个焗西兰花，小食拼盘，仲有黑椒蜜汁鸡翼。虽然最终都食唔晒依然觉得好滋味。妈咪话我个芝士意粉太多芝士佢唔系好中意，但我觉得芝士味并唔系好重，无左芝士阵味可能成个意粉无论色香味都差D 挂？hah，至于个蜜汁鸡翼我觉得并不是好好味，算勉强ok。但服务方面真系好抵赞，因为进食期间不停都会过来加水，态度好好~