麥當勞

营业中

休息中

不知几耐没有帮衬过麦当劳(因为附近这间服务太差了)，今晚太太突然心血来潮想食一次，为了省时，于是我们各自用手机落单，咦？原来而家有珍珠奶可以跟餐㗎？(原来出咗成年....)屋企落完单后，急急脚去到攞餐，服务果然一流，我见无嘢饮，于是礼貌地问职员，佢不耐烦地说，特饮mc cafe𠮶边攞。ok，我唔明嘛，之后我行到mc cafe柜位，我话用app order咗2杯珍珠奶外卖，我俾𠮶号码佢睇，佢突然大声咁话唔同人落单㗎㖞，我终于按耐不住反击，系咪一定要落单𠮶个嚟攞？讲返杯珍珠奶(其他食物唔讲了，一样无惊喜)，意外地出色，真系要讲讲。宇治焙茶珍珠鲜奶(冻) 跟餐+$14茶味出色，好香好浓，我叫了少甜，真系无乜甜味，珍珠好有咬口，口感出奇地好唔太软。宇治抹茶珍珠鲜奶(冻) 跟餐+$14绝对系一个惊喜，抹茶味刚刚好，不会过多或过少，甜味适中(我叫了少甜)，珍珠同样软硬适中。