洋一居食屋 (已結業)

以前住西贡,小巴站就在附近. 差唔多一两个礼拜都黎食一次. 九龙城都算多好野食, 点解要黎呢间? 因为好食啰---老公试过一次过食３个咖喱吉猪饭, 佢话全香港最好食系呢度.搬离西贡已很久, 好耐都无黎食. 偶然下午经过, 决定要重温一下. 已是下午3点左右, 人唔算好多, 但都坐左一半以上. 我地得两个人, 谂住坐入面既两人位, 但系招呼我地既亚姐唔畀, 反而要我地坐近门口既6人大枱, 咁佢叫到, 照坐啦. 黎到呢度, 当然西叫一客咖喱吉猪饭. 另外重叫左个三色刺身饭. 食物质素依旧咁好, 吉猪脆卜卜, 咖喱汁甜度同辣度都ok; 而我既三色刺身饭既刺身系一件件好似平时食既刺身, 而唔系一粒粒, 虽然唔方便捞饭, 但系质素就睇得清楚系好野. 讲完食物, 要形容一下佢地既服务. 除左头先所讲亚姐畀左个唔系咁"洽当"既位畀我地之外, menu系"pat"晌枱面, 叫完野就攞走; 当食到一半既时候, 最唔想发生既事发生左--有一家人入黎食野, 就望住我地呢张大枱, d亚姐又唔会试下将两张枱并埋一齐畀个客, 就系叫个客企晌度等我地食完! 唔知系咪因为想赶客, 我地一食完边样佢就立即收起, 惊死你