影片
更多
2008-07-03
28 浏览
上个星四我同两个朋友去咗哩间餐厅到食饭，其实系因为其中一个朋友既同事话哩到啲野好食我地先会嚟，点知一坐底已经觉得好有问题，一张方枱三个人坐但系点解得一份MENU，咁我就再问个服务生再攞多一份，之后大家都选好咗要叫咩野食啦，叫侍应生嚟写野，咁我就本来想叫一个叫做"芝士薄饼"既东西，咁我就问个侍应，𠮶款PIZZA里面系有几多种芝士嚟做架？因为我觉得如果一个PIZZA里面乜野其他馅的话，如果只落一种芝士一定会好单调同唔太好食，所以我先会咁问佢，点知佢个回应系"咪就系用芝士啰，手几多种系厨房决定" 当时我心里就谂︰ OH…NO…阿婶啊！(因为哩个阿姐睇落个年纪真系比较大)咁你唔识去问下厨房会用啲乜材料架咩？算之后我就叫咗一个蕃茄辣牛肉 $72加 $28转做晚餐，不过无汤无饱无甜品，只系得个餐前沙律同一杯饮品，我另外两个朋友就叫咗一个蕃茄鸡肉饭仲加埋钱转咗晚餐，佢地个餐就乜都有，不过，好在我无要啰…，如果唔系一定会后悔；朋友们个汤同饱都上枱了，我睇落系有加咗红萝卜同脆肉瓜既蕃茄汤，朋友们话个汤都还OK，到个沙律都嚟到，哈哈…个沙律真系用错容器嚟放啰，竟然用个杯，佢又无比支细叉我地去食，我地三个人
朋友们个汤同饱都上枱了，我睇落系有加咗红萝卜同脆肉瓜既蕃茄汤，朋友们话个汤都还OK，到个沙律都嚟到，哈哈…个沙律真系用错容器嚟放啰，竟然用个杯，佢又无比支细叉我地去食，我地三个人个个都叉到一枱到系，最后我决定倒佢落个碟到食，咁先食得干净好多，沙律还OK只系欠咁啲沙律醋多啲会好食好多啰！
之后，精髓嚟啰！我个饭先嚟，之后我两个朋友既饭都到了，HAHA…因为我个饭系用个石头锅嚟装，所以我就好自己咁捞一捞佢，之后我就话︰点解我地三个人个饭都咁似同你地头先饭𠮶个餐汤嚟捞落去咁既，三个人一致应同一定系，最惨系…个饭根本就唔够味，我𠮶个我就每食一层就要加一次盐，我两个朋友都一样系唔够味，一样要加盐仲要加埋芝士粉先有味；
之后我地就点甜品同餐饭了，咁又系𠮶个答咗等于无答既阿婶走嚟帮我地写，佢话话︰今日有荔枝雪芭同玉子豆腐，我地就问咁个玉子豆腐系咪用蛋嚟做架？(我地咁问好正常，因为个名系玉子叫嘛！)点知个阿婶又回︰吓！蛋啊？无蛋架！咁我地又问，咁系咪冻豆腐嚟架？阿婶又回︰唔系！(咁够竟系咩嚟架…个甜品名同佢用既材料一啲关系都无既)我朋友就回︰系咪只系个名系咁叫架咋？侍应阿婶就好快咁回︰系啊系啊！系个名嚟架啫！我地真系%&^(&^(&(_(_)(_^%$&^%##^$%&佢啰！之后都费是问佢咁多啦！咁咪每样一个，咁保守啲…一样唔好食都中有另一样可以食啩！
朋友个餐饮系柠檬茶，我就叫咗杯热咖啡，佢地杯柠檬茶一啲茶品都无，我杯咖啡都几好饮(好在终于食到样似样啲既野啰！)朋友既两款甜品佢也叫我试试，我每样食咗少少，之后我唔出声，我只系只佢地食咗个荔枝雪芭先，后食𠮶个所谓既玉子豆腐，HAHA…佢地两试过之后都话 "咩嚟架？" ，𠮶时我就话佢个荔枝雪芭根本就唔够荔枝味又唔够甜，简真就淡而无味，个所谓既王子豆腐根本就系一旧奶冻又似豆腐又唔似布甸又唔似既黄黄地色既鱼胶粉再君一笃红豆，一睇就知𠮶笃红豆又系唔会好食得去边𠮶种。
仲有佢地啲侍应同客装水都好奇怪，都唔会先攞起客人个杯嚟装，就只系就咁倒落去，仲要系啲水弹晒出嚟啰，一次我唔怪佢，仲要两、三次都系咁，真系乜野餐厅嚟架！
就系咁我地食咗一餐又唔抵又难食既晚餐，如果好食的话贵一贵都抵；所以哩间野去一次就够，下次咪搞我！
张贴