第一腸粉專賣店 (已結業)

行去坐车途经第一肠粉，因好耐冇食过佢嘅招牌肠粉所以叫左个外卖，盛惠$21。门口收银收完我钱就叫我等等，点知一等就十五分钟。到佢拎出黎𠮶份仲要系另一位顾客的外卖时我就知中招了。收银叫单no，我话我冇收过单，佢竟然同我讲一定有，喺找续的钱下面。我同佢讲「我都唔使你找钱，你边度揾张用找钱责住嘅单俾我？」我走去收银同佢讲俾左几钱，用左几多个五蚊一蚊俾钱，佢谂左一轮之后走入厨房一阵再走出黎俾外卖我。我睇返张单，落单时间系五分钟前，好明显就系漏左单。收银全程亦冇道歉冇解释。如此服务态度，真系几好食都冇用。