大本瀛日式放題

营业中

休息中

食放题太多野想食但时间唔多,最怕漏单等太耐,不过呢间大本瀛日式放题服务同食物质素都几好㖞！首先一定要赞的是店员态度好好有礼貌，会时时刻刻留意到客人需要亦都有叫必应，换碟密拎单入单上菜都好快。食物方面头盘刺身有齐最常食的希灵鱼、三文鱼腩，吞拿鱼、甜虾、大虾、带子等等，全部都算厚切且好新鲜，连泰国生虾刺身都有，蘸点酸辣酱汁食啖啖肉好爽口。手握及火炙寿司都唔错，尤其黑松露系列的都一定要叫黎食，虽然黑松露唔算抹好多但味道好浓。`热食类个人最钟意都系鸡软骨、盐烧珍宝大虾、金菇肥牛卷及盐烧牛舌都是值得推荐的，趁热食味道一流，仲有个几特别的和风茄酱芝士焗一口鸡，鸡肉嫩滑酱汁特别，几好食，而其他食物大都正正常常。值得一提的是，此店的寿喜烧牛肉锅真系好大份，食材劲足料，多到食唔晒，汤底亦浓香鲜甜。饮品选择亦多，难得仲有啤酒任饮，最后仲有甜品及多款雪糕雪条任拣。