韓圈 (已結業)

一向帮衬开晚市烧肉放题，服务态度唔错！但些碟和杯次次去帮衬都是湿的，没有干透才供客人使用，熟食亦是冻了不够热。有晚帮衬完晚市，看到门外广告，便决定找天试试午市熟食放题...今日星期日，一行五人帮衬，侍应不停指住叫我坐某张台，我话我五个人㖞...个侍应话「够啦，五个人仲唔够呀！」顶！我客气唔多好禁讲「你张台唔够椅呀！！」，她先醒目拉返坐椅过来...唉！我和小朋友出去拿玩具车型餐盆，个侍应好紧张指住熟食果边，话只可以食果边的熟食，我答「我拿盆咋」...她答禁OK啦！之后，我和女去夹甜品，些细细件千层糕和啫喱粒，个侍应今次态度劲差「刚才咪同你讲叫可食果边啰！几十蚊唔包呢d架！！」，我答：「下！甜品都唔包？！你们果边得好少食物咋㖞...」她答「你比几十蚊咋，好多野食啦！」...我只好答她「元朗间韩舍都系几十蚊，但人地都唔知多几多野食呀」...我之后拿饮品都问清楚是否任饮，废事又比个侍应话！见到饮水机旁有两只昆虫飞来飞去都唔敢出声....晚市和午市相同侍应，但食平d侍应态度明显大不同,我下次都只会帮衬晚市算！