黃記煌三汁燜鍋 (已結業)

忍唔住写食评。。整体黎讲，唔太好食，价钱中规中矩(尖沙咀区咁上下)，但服务真系唔好。原本经openrice booking 两次，但两次都被”已满座”为由取消左，去到就话我无book, 目测当时至少有3张四人枱系吉，直至食完离开，都无所谓嘅”满座”出现，一度怀疑系咪为左省openrice booking嘅九折而唔比我book...叫左个辣牛魔皇焖锅，味道ok，牛嘅质素就一般($300唔期望有最靓嘅牛)，但打边炉嘅食物就...炸鱼皮有股油溢味，响铃上枱嘅时候已经淋淋地，加上散散地，怀疑放左好耐或者d炸油唔靓。至于其他收费同服务，例如水要收$6...呆左，阿姐黑口黑面，落单又落漏，追单又慢，最后要揾经理帮手跟单，大体感觉就似系个场d人好似吾多想做咁款。总括黎讲，是但酒楼打边炉都会好食过佢。要服务的话，就更加吾好试。