無老鍋

营业中

休息中

无老锅系香港首间分店，虽然我冇喺台湾食过，不过我相信味道应该差唔多呱🙊十分欣赏佢哋提供热茶，食完有少少雪葩解热。服务一流，侍应好勤力，不停添汤添豆腐添鸭血。*鸳鸯锅 (面包豆腐锅+无老辣香锅) 每位$68鸳鸯锅额外收费$88/每枱白汤用鸡骨、猪大骨、洋葱、青葱、姜、蒜头熬成浓厚嘅汤头，后劲有好淡好淡嘅中药材味。每人一粒冰淇淋豆腐，由花枝浆、鱼浆、豆腐打成，口感软绵微弹牙，真系似雪糕嘅感觉。红汤香辣惹味，而且唔会过于油腻，辣度恰到好处，可以食到食材嘅原味，又可以食到中药材嘅回甘。最重要系豆腐、鸭血任添，真系！真系！任添！蜂巢豆腐好索汤，鸭血嫩又唔腥，唔惊唔觉食咗好多。*牛小排拼去骨鸡髀肉 $2288片牛小排带油花，肉质嫩但肉味未够浓。反而鸡肉有惊喜，好软好嫩又juicy，虽然鸡味都系好淡🙈*浓香豆皮 $68台湾直送，外形似炸响铃，一张豆皮卷埋成为一卷豆皮，煮2-3分钟，一层层嘅口感，索晒汤底精华。*综合丸 $128手工虾丸、牛骨浓汁牛丸、手工花枝丸、猪骨浓汁贡丸，每款各两粒。每一款都好好食，弹牙足料。