影片
更多
2010-07-13
97 浏览
男朋友见到添好运喺深水埗开咗分店, 谂住应该冇旺角等位等咁耐, 咪去食啰.呢度地方好大, 不过坐位就比较迫, 我地9:20去到, 谂住食几样先, 之后再叫, 点知亚姐话9:30截单, 要咩就一次过click晒, 冇计啦, 佢收10:00其实食物质素就好好, 不过服务就真系麻麻.我同男朋友同分别两对食客坐长形六人枱, 我地坐最入边, 初初我地碟虾肠嚟到, 亚姐由最开边个路口位叫我地个枱号, 佢完全冇谂过行入嚟比我地, 咁都算啦, 我男朋友未接实碟肠粉佢就准备缩手啰, 好彩个碟唔太热, 接得实咋, 唔系中间位既食客就遭殃; 之后d点心分别咁到, 佢又系企喺最开边叫我地枱号, 之后就放底笼点心喺中间张枱就走咗去, 中间枱位小姐都唔好意思硬住头皮递比我地; 其实我可以体谅佢地做生意既系地方浅窄, 不过唔系咁样啰, 掉底d食物走行走去. 今晚所食之点心 (两个人食8碟) 晶莹鲜虾饺: 冇乜特别, 不过d皮真系好薄. 榄菜肉松四季豆饺: 榄菜肉松四季豆呢味𩠌本身好好味, 不过做蒸饺完全唔夹, 而且好少榄菜, 唔够味. 香滑马拉榚: 好好味, 好松软, 正. 花醀杞子蒸滑鸡: 唔够花醀酒味, 不过
呢度地方好大, 不过坐位就比较迫, 我地9:20去到, 谂住食几样先, 之后再叫, 点知亚姐话9:30截单, 要咩就一次过click晒, 冇计啦, 佢收10:00
其实食物质素就好好, 不过服务就真系麻麻.
我同男朋友同分别两对食客坐长形六人枱, 我地坐最入边, 初初我地碟虾肠嚟到, 亚姐由最开边个路口位叫我地个枱号, 佢完全冇谂过行入嚟比我地, 咁都算啦, 我男朋友未接实碟肠粉佢就准备缩手啰, 好彩个碟唔太热, 接得实咋, 唔系中间位既食客就遭殃; 之后d点心分别咁到, 佢又系企喺最开边叫我地枱号, 之后就放底笼点心喺中间张枱就走咗去, 中间枱位小姐都唔好意思硬住头皮递比我地; 其实我可以体谅佢地做生意既系地方浅窄, 不过唔系咁样啰, 掉底d食物走行走去.
今晚所食之点心 (两个人食8碟)
晶莹鲜虾饺: 冇乜特别, 不过d皮真系好薄.
榄菜肉松四季豆饺: 榄菜肉松四季豆呢味𩠌本身好好味, 不过做蒸饺完全唔夹, 而且好少榄菜, 唔够味.
香滑马拉榚: 好好味, 好松软, 正.
花醀杞子蒸滑鸡: 唔够花醀酒味, 不过好有鸡味, 好滑.
酥皮叉烧包: 好好食, 好有特色.
沙茶牛肉脆春卷: 又系唔多夹啰, 都系传统春卷好食d.
煎腊味萝卜榚: 好香, 食到一条条萝卜榚, 唔似一般酒楼咁得d粉.
韮黄鲜虾肠: 皮薄, 足料, 系冇韮黄咁解啫
张贴
