堅信號上海生煎皇 (形點 II)

营业中

休息中

首先值得一赞每位员工都好热心帮忙，𩠌菜亦好快上枱！最出色就梗系招牌生煎包，一如以往够热，仲劲多汤汁，一咬好澎湃咁漏出嚟！而且个底都够哂卜卜脆！🫶🏻而韭菜饺够哂足料，只只都胀卜卜。不过红油嘅麻香辣味略嫌不足。椒盐脆黄鱼够哂咸香，而且一啲都唔腥！重点系起哂骨啖啖肉。而呢个避风塘风味，做到甘香、脆口亦唔油腻！炸蒜冇苦味之余仲有微微嘅甜辣味！秘制猪扒担担面-小辣担担面花生酱味偏重，够哂浓香，但未去到浓稠，做唔到挂面嘅感觉！另外肉碎整得比较蓉，如果有番少少质感会更好。值得一赞猪扒腌得好够味，食落有微微嘅甜味，而且够哂稔又厚身。