金記冰室 (已結業)

旧年开业之后, 金记已成为我lunch 既饭堂之一, 一星期起码去3日。员工招呼好好, 友善, 少黑面, 手快脚快。收银好有礼貌, 次次都会讲多谢同bye bye, 而家茶记好少见。地方亦干净坐得舒服。食物方面, 招牌既猪扒用料几好, 焗饭类都不错, 味道好但份量略细, 打office 工既人就应该岩, 本人体力劳动工作就勉强D。炒面饭类味道够浓, 炒意粉好有镬气, 但都系细份D, 下午茶会更细份, 但呢区黎讲呢个价细份番合理。饮品方边, 咖啡好香, 奶茶口感时好时坏, 试过好苦涩, 但十次七次都中上, 算稳阵。值得推介西多士, 炸得够透唔会干硬身, 即叫即制, 有D 座位会见到厨房整西多既过程, 都干净企理, 食得放心。overall 黎讲金记系坚尼地众多茶记中唔错既选择。