澳葡牛奶餐室 (已結業)

昨日经过汝州街试左呢间餐厅，点知食到成肚气出来。负责落单同收钱ge呀婶，做事错漏百出又系咁揾藉口，总觉得自己无错。事原一开头已讲得好清楚要午餐X，同佢再确认左个餐系送葡挞同热饮。点知出单后隔咗一阵望一望，热饮加左$6。话比佢听又话我地个餐可能唔跟？？吓无几耐先问完你，咁快失忆？我攞个餐牌比佢睇返，佢话部机出错....好，算。（一句唔好意思都无）。 跟著来葡挞，放左几分钟跟著又话我地个餐无葡挞？？同佢讲话我地个餐系有的，但佢都照攞走左比另一张枱。佢再望望张单先叫厨房整多个葡挞。 之后，佢又攞错两次食物过来，望望张单又攞走左。呀婶其实已经望左张单好多次。 最后，埋单时个呀婶问八达通定现金，好清楚话八达通。佢又㩒错制话㩒左机现金找数。搞左好耐又唔识取消单，跟著又㩒左个比我个餐更贵的价钱先可以八达通比钱。我话，我个餐唔系呢个价钱。佢大大声话我比左再退收多左啲钱，（吓，你又唔早讲？)。 食物方面长话短说，唔好食。 总结：呀婶侍应服务态度惊人，做事错漏百出亦不觉自己有问题。食物唔好食，杯茶走非常难饮。 香港服务就系呢种人／餐厅搞弯晒，一定不会再光顾。