KOI Thé

营业中

休息中

平日非繁忙时间九龙站较清静，入到去叫嘢饮得两个人，帮我落单嘅系trainee。未试过帮衬呢间，所以就叫开平时饮嘅珍珠奶茶。点知道普遍出面叫嘅珍珠奶茶响呢度系黄金珍珠，所以当我见到一位戴眼镜嘅女仔帮我准备杯奶茶时嘅黄色珍珠，我就同佢讲，点解唔系平时深啡色嘅珍珠。眼镜服务员听完就好晦气咁讲，你喺我哋呢度叫珍珠奶茶就会系呢只黄金珍珠，如果你要出面街只深啡色珍珠就叫另一款！跟住就将两杯黄金珍珠倒返入个container度！其实外面叫珍珠奶茶，普遍都系用深啡色台湾𠮶只珍珠，未帮衬过你呢间又点会知道响呢度叫珍珠奶茶就会变咗你哋嘅黄金珍珠呢？而且眼镜女仔又由杯度倒返D黄色珍珠入返container度，唔多衞生😰最后呢杯珍珠奶茶味道超甜，似糖水多过奶茶，十分一般。加上服务态度差，就算住楼上咁近都唔会再帮衬。