心語甜品 (已結業)

点解openrice无得比负星，我觉得一星真系侮辱咗粒星。伙记落错单，本来叫4碗糖水变5碗，好啦，可能系我哋一开始落单落得衰，唔小心叫多咗碗，但系已经即刻叫翻个伙记翻嚟叫佢取消翻一碗糖水（个阵张单都未到厨房，最惨系我哋望住佢真系取消咗碗糖水，张单suppose系啱架！）。同个伙记讲落错，点知个伙记仲要驳嘴，话“明明同你覆咗单”，个阵条气已经唔系好顺，因为佢自己落单乱咗，仲要怪个客？点知！老板娘事后仲要走出嚟，同我哋讲：“已经帮你哋取消咗一碗，下次唔该你哋早讲。" （我真系唔该你唔好唔该我，因为一定无下次）阿老板娘，你当时唔在场，你又知系我哋无早讲？连一点思考都无就推卸责任，简直不知所谓。我即刻反驳 ：“头先佢(个伙记)一拧转面我就已经讲咗。” 可惜，老板娘无视我。当我以为今餐甜品已经错到无得再错嘅时候，老板娘（喺我哋面前）同个伙记讲，“你做咩唔比碟人吖？” 吓！？原来唔止张单错，连最基本的上菜都错？（原来每碗糖水下面系应该有只碟垫住）大佬吖，你错还错，唔好喺个客面前讲吖嘛，你唔讲我真系唔知你错，宜家你讲完又比多个位我入你，何必呢？到食物，我叫咗碗“皇牌”杨枝甘露，芒果味唔够，奶太多，所