阿一豬扒酸辣米綫 (已結業)

第一次食阿一酸辣米线，但印象十分差！我谂系呢间分店既店员态度十分有问题下次要再去筲箕湾总店试下叫咗猪扒鸡翼酸辣米线，猪扒同鸡翼味道都不错，炸得都几香口。而米线较粗身，食落比较烟韧，又唔会煮得过冧。汤不过不失，酸辣得黎都唔会太盖过清汤既味道。印象咁差系事关叫咗杯冻饮，饮咗3分1发现一只蚂蚁浮咗系面同佢伙记讲翻呢件事，佢黎手就倒咗佢，然后局住你要换佢其他饮品，如果啲冰有蚁，个人认为就算换过杯都未必干净得去边，我宁愿岀去再买其他饮品。所以岀去俾钱既时问第2个店员(应该系店长)可唔可以取消翻佢，个店员态度好差咁讲佢地冇得void单，一系你换一杯，仲大大声话系我唔肯换过杯 ！最激气晚系 从头到尾都无讲一句唔好意思抑或道歉 ！到最后虽然冇收饮品既钱，但真系令人好愤怒，仲大大力dum翻找续既钱岀黎一间餐厅 就算你啲食物有几好食 但你咁样对待客人 将食物不洁责任推得一干二净 实在说不过去！