清溪川韓國食堂 (已結業)

前两个礼拜去左隔离果间X园，啲服务真系「好」到令人想像唔到……于是同友人试吓呢间，入到去发现啲服务员系疑似一家韩国人。睇食评啲人话佢服务差，但我完全唔觉得。虽然个女人同个男仔都系木口木面，但系我谂极有可能系因为佢地广东话唔好，所以唔识表达以致有咁嘅问题。我同友人两个人叫左四样嘢食：酢酱面、海鲜煎饼、烧牛骨肉、炒年糕。酢酱面 - 好清淡，友人话咸啲好，但呢个味道我又觉得ok海鲜煎饼 - 太厚粉，麻麻地烧牛肉 - 薄薄的，几好味炒年糕 - 味道唔太辣，适合一般港人口味啲嘢食全部都好大碟，一向大食嘅我都食唔晒啰～个酢酱面我夹左４次，友人夹左１次，都仲有三份一响度，于是打包返屋企。服务其实真系唔错，我地两个人霸左张四人台，佢又无赶人走。而且个男仔都成日主动帮我地加茶。有一下个男仔以为我要order，明明转左身都即刻调返转头，值得一赞啦！隔离果间？唔主动加茶不特止，叫佢加仲黑口黑面。呢间个男仔侍应唔晓讲广东话斟茶都晓讲Excuse me啦。不过呢度个抽风系统真系有待改善，个厕所要出一出后巷再转入去都系问题。但个厕所就好干净啰。