撈得喜火鍋冰室

营业中

休息中

最近天气冻咗，屋企人就话一齐去打边炉。我哋就去咗朗屏一间任食火锅，去到餐厅都差唔多满座。火锅有超多款汤底拣，啱晒唔同口味嘅人。餐厅有两个大雪柜，放满唔同火锅配料，任食任拎。今次我哋就拣咗椰子鸡汤底，汤底好鲜甜，最岩食炸鱼皮同响铃，吸晒椰子鸡汤，真系超级清甜。鸡件都非常新鲜，肉质嫩滑。唔够食嘅话，仲可以喺雪柜拎多啲。雪柜仲有蚬同虾可以任拎，汤底落咗蚬同虾之后就更加鲜味。鲜牛肉牛味浓郁，而且都好新鲜。除咗鸡同牛，雪柜仲有猪肉片拎添！蔬菜方面有唔少蔬果，例如有椰菜花、油麦菜同生菜等等任君选择。饮品方面，唔单止有罐装同纸包饮品，仲有佢哋自家制嘅水果茶！水果茶唔会太甜，味道酸酸甜甜都几好饮。最后点少得食雪糕作为饭后甜品，雪糕都有几款味道任拣，今次我食咗抹茶味！