THE PONT (已結業)

想教班前揾间靓餐厅食lunch，拣左位于朗豪坊嘅The Pont ，估唔到呢间位于闹市嘅后花园，食物水准都唔错。主食叫咗香辣蕃茄意式肉肠长通炒同烟三文鱼牛油果牛角窝夫，长通炒同肉肠等配料份量好足，每啖都有好多芝士碎，长通粉亦够弹牙，烟三文鱼同牛油果都新鲜，调味相对较浓，可惜牛角窝夫略为稔身唔够松化。饮品系一上枱就好香嘅Baileys coffee同幸福花园，即士多啤梨杏仁乳酪沙冰，粉红色士多啤梨沙冰配奇异果片，味道唔会太甜，颜色非常梦幻。特登留肚食甜品，因为甜品就帮呢餐加到好多分喇♡系我最钟意嘅超creamy Tiramisu！表层Tiramisu 细滑香甜，底层系脆脆面包粒同杏仁片，捞埋一齐食可以享受到另一种口感，外型仲系好适合打卡嘅可爱小盆栽🌱用Openrice网上订Tea time有75折，所以好抵食。