Elsie Cafe & Restaurant (已結業)

有个朋友好推介呢度，仲话帮我地订位，但最后佢并无出现到，但佢女朋友就不断推介我地食呢度嘅肉眼扒，我地一行5个人就傻更更咁俾人「安排」左系呢度庄聚勒。其实呢度叫做每一张枱都有空间听唔到隔离讲乜，所以如果嚟倾下偈系okay 嘅。我真系听我个朋友话点左呢度嘅肉眼扒餐仲加左25蚊食个套餐，唉~ 是鬼但啦~ 我觉得一间西餐厅，罗宋汤真系一个灵魂人物，佢好唔好味真系影响你之后对啲食物嘅感觉。而呢度嘅罗宋汤我觉得几稀，不过都算系有肉呀、菜呀系入面，如果系意大利菜汤乜都无，我真系嬲架~ 主角出场，烧纽西兰肉眼扒伴香煎鹅肝配胡椒汁 ~ 我点左意粉食，因为我真系好肚饿~ 啲意粉都好食，用左茄汁去煮，我觉得食落入味，而面质亦无太淋。不过份肉眼扒就无我个朋友讲到咁必试啰，其实成块都无乜味，靠个汁嚟带起啲味，而且食到其他部份就有啲牛膻勒，个waitress其实无问过我要几多成熟，或者.... 可能....一块百几蚊嘅扒系无资格要几多成熟啦........T.T 不过，我食左一半之后，我都食唔到落去勒。其实鹅肝okay嘅，又唔系话太膻，不过系细旧左少少，唔讲仲以为系肉眼扒其中一部份。总括而言，我觉得可食可唔食。