糖朝 (已結業)

之前未试过糖朝，不过名气几大，成日都会听到有人提起，连蔡澜都有推荐过就来试下，不过心里边真系几期待下喇！来到见有张台嘅人啱走，即刻拖埋朋友过去，走快有走慢冇加，点知坐落叫咗服务生几次都冇人过来执台，成五分钟先至肯过来一品粥望落平平淡淡，但系里边嘅料几多，皮蛋，鸡肉，香菇，鱼蛋等、粥都几甜，味道比较淡，仲算唔错！云吞面，云吞都未到嘴边就一大阵堿味，真系倒胃口，面仲算Q弹。雪山杏汁包唔错，雪山比较苏类似菠萝包嘅皮，馅杏仁味好浓。另外一个流沙包，真系笑话，不知道留咗去边，馅都系凝固嘅！芝麻糊豆腐花好味，芝麻味好香浓，豆腐花滑溜溜。杨枝金露麻麻地。总嘅来讲一D都冇我期望嘅咁。